Eleven Media Group

■ မြန်မာ-ရုရှား နှစ်နိုင်ငံအကြား နားလည်မှု စာချွန်လွှာ ၁၂ ခု လက်မှတ်ရေးထိုး မြန်မာ-ရုရှား နှစ်နိုင်ငံအကြား နားလည်မှုစာချွန်လွှာများ လက်မှတ်ရေးထိုးပွဲ အခမ်းအနားကို ရုရှားဖက်ဒရေးရှင်နိုင်ငံ မော်စကိုမြို့ရှိ ကရင်မလင်နန်းတော်၌ ကျင်းပခဲ့သည်။ ယနေ့(သြဂုတ် ၁၈ ရက်) ဒေသစံတော်ချိန် ညနေပိုင်းတွင် ရုရှားဖက်ဒရေးရှင်နိုင်ငံ မော်စကိုမြို့ရှိ ကရင်မလင်နန်းတော်၌ နိုင်ငံတော်သမ္မတ ဦးမင်းအောင်လှိုင်နှင့် ရုရှားဖက်ဒရေးရှင်နိုင်ငံ သမ္မတ H.E. Mr. Vladimir Vladimirovich Putin တို့ ရှေ့မှောက်တွင် နှစ်နိုင်ငံ တာဝန်ရှိသူများက မြန်မာ-ရုရှား နှစ်နိုင်ငံအကြား နားလည်မှုစာချွန်လွှာများ လက်မှတ်ရေးထိုးလဲလှယ်ခဲ့ကြခြင်း ဖြစ်သည်။ အဆိုပါ နားလည်မှုစာချွန်လွှာများ လက်မှတ်ရေးထိုးပွဲ အခမ်းအနားသို့ နိုင်ငံတော်သမ္မတနှင့်အတူ ခရီးစဉ်တွင် အဖွဲ့ဝင်များအဖြစ် လိုက်ပါသွားသည့် ဦးခင်မောင်ရီ၊ ဦးတင်မောင်ဆွေ၊ ဒေါက်တာချောချောစိန်၊ ဒေါက်တာသက်ခိုင်ဝင်း၊ ဦးကိုကိုလွင်၊ ဒေါက်တာချာလီသန်း၊ ရုရှားဖက်ဒရေးရှင်းနိုင်ငံဆိုင်ရာ မြန်မာနိုင်ငံသံအမတ်ကြီး ဦးမျိုးမိုးအောင်နှင့်တာဝန်ရှိသူများတက်ရောက်ကြပြီး ရုရှားဖက်ဒရေးရှင်နိုင်ငံ သမ္မတ H.E. Mr. Vladimir Vladimirovich Putin နှင့်အတူ တာဝန်ရှိသူများတက်ရောက်ကြသည်။ ထို့နောက်တွင် နိုင်ငံတော်သမ္မတ ဦးမင်းအောင်လှိုင်နှင့် ရုရှားဖက်ဒရေးရှင်နိုင်ငံ သမ္မတ H.E. Mr. Vladimir Vladimirovich Putin တို့သည် သတင်းစာရှင်းလင်းပွဲသို့ တက်ရောက်ခဲ့ကြသည်။ #elevennews #မြန်မာ #ရုရှား ■ Website Link- - - >> https://news-eleven.com/article/314391

■ ဒေသတွင်း တိုက်ပွဲများကြောင့် ပျက်စီးဆုံးရှုံးခဲ့သော သင်္ဃန်းညီ‌နောင်ရှိ နေအိမ်များ ပြန်လည်ထူထောင်ရေးအတွက် ပြည်နယ်အစိုးရမှ ထောက်ပံ့မည် ကရင်ပြည်နယ် မြဝတီမြို့ နယ် သင်္ဃန်းညီ‌နောင်ကျေးရွာတွင် ​ဒေသတွင်း ဖြစ်ပွားခဲ့သော တိုက်ပွဲများကြောင့် ပျက်ဆီးဆုံးရှုံး မီး​လောင်ကျွမ်းခဲ့​သော နေအိမ်များ ပြန်လည်ထူထောင်ရေးအတွက် ပြည်နယ်အစိုးရအဖွဲ့၏ ၂၀၂၆/၂၀၂၇ ဘဏာရေးနှစ် ဖြည့်စွက်ခွင့်ပြုရံပုံငွေဖြင့် ထောက်ပံ့ပေးရန် လျာထားကြောင်း သိရသည်။ ဩဂုတ် ၁၈ ရက်က ကျင်းပခဲ့သည့် တတိယအကြိမ် ကရင်ပြည်နယ်လွှတ်တော် တတိယပုံမှန်အစည်းအဝေး၏ ဆဌမနေ့တွင် မြဝတီမြို့နယ်မဲဆန္ဒနယ်အမှတ်(၁)မှ ကရင်ပြည်နယ်လွှတ်တော် ဒုဥက္ကဌ ဦးအေးမင်းထွေးက တိုက်ပွဲကြောင့် ပျက်စီးခဲ့ရသည့် သင်္ဃန်းညီ‌နောင်ရှိ နေအိမ်များ ပြန်လည်ထူထောင်းရေးအတွက် ပြည်နယ်အစိုးရမှ ထောက်ပံ့ပေးရန်အစီအစဉ် ရှိ/မရှိနှင့် စပ်လျဉ်းသော မေးမြန်းမှုအား ပြည်နယ်အစိုးရအဖွဲ့မှ ပြန်လည်ဖြေကြားခဲ့ခြင်းဖြစ်သည်။ ကရင်ပြည်နယ် အစိုးရအဖွဲ့ အ​နေဖြင့် အကောင်အထည်ဖော်နိုင်ရေးနှင့်စပ်လျဉ်း၍ သက်ဆိုင်ရာကော်မတီများ အဆင့်ဆင့်ဖွဲ့စည်းကာ ဆောင်ရွက်သွားရန် လိုအပ်​ကြောင်း၊ ထိုကော်မတီများနှင့် လွှတ်တော်ကိုယ်စားလှယ်များ၊ ခရိုင်/မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီတို့မှ ပူးပေါင်းဆောင်ရွက်ပေးသွားရန်လိုအပ်ကြောင်းနှင့် ထောက်ပံ့နိုင်ရေးကို ၂၀၂၆/၂၀၂၇ ဘဏ္ဌာရေးနှစ် ဖြည့်စွက်ခွင့်ပြုရံပုံငွေတွင် လျာထားပါကြောင်း ကရင်ပြည်နယ်အစိုးရအဖွဲ့မှ ပြန်လည်ဖြေကြားခဲ့ကြောင်း သိရသည်။ #elevennews #သင်္ဃန်းညီ‌နောင် #မြဝတီမြို့ နယ် ■ Website Link- - - >> https://news-eleven.com/article/314385

■ ပဲခူးတိုင်း မိုးညိုမြို့နယ်တွင် ဧရာဝတီမြစ်ရေမြင့်တက်လာမှုကြောင့် စာသင်ကျောင်း ၇၉ ကျောင်း ယာယီပိတ်ထား ပဲခူးတိုင်းဒေသကြီး သာယာဝတီခရိုင် မိုးညိုမြို့နယ်အတွင်းရှိ မြစ်ကမ်းဘေး မြေနိမ့်ပိုင်းကျေးရွာအချို့၌ ဧရာဝတီမြစ်ရေမြင့်တက်လာမှုကြောင့် အခြေခံပညာစာသင်ကျောင်းများအတွင်း မြစ်ရေများဝင်ရောက်ခဲ့သဖြင့် စာသင်ကျောင်း ၇၉ ကျောင်း ယာယီပိတ်ထားခဲ့ရကြောင်း သိရသည်။ အဆိုပါဧရာဝတီမြစ်‌ရေဝင်ရောက်မှုကြောင့် ကျေးရွာအုပ်စု ၂၉ အုပ်စု၊ ကျေးရွာ ၇၆ ရွာတို့ရှိ အခြေခံပညာမူလတန်းကျောင်း ၄၅ ကျောင်း၊ အခြေခံပညာအလယ်တန်းကျောင်း ၂၆ ကျောင်း၊ အခြေခံပညာအထက်တန်းကျောင်း ရှစ်ကျောင်း၊ စုစုပေါင်း ၇၉ ကျောင်းတို့မှ ဆရာ၊ ဆရာမများနှင့် ကျောင်းသား၊ကျောင်းသူများ ဘေးအန္တရာယ်ကင်းရှင်းစေရေးအတွက် မြစ်ရေ ပြန်လည်ကျဆင်းသည်အထိ ယာယီပိတ်ထားမည်ဖြစ်ပြီး မြစ်ရေကျဆင်းချိန်တွင် ပြန်လည်ဖွင့်လှစ်သင်ကြား ပေးသွားမည်ဖြစ်ကြောင်း သိရသည်။ ယာယီပိတ်ထားရသည့် စာသင်ကျောင်းများမှ ကျောင်းသား/သူများ စာသင်ချိန် သင်ခန်းစာများနောက်မကျစေရေး ကျောင်းပြန်လည် ဖွင့်ချိန်တွင် စာသင်ရက်များအစားထိုး၍ သင်ကြားပေးသွားမည်ဖြစ်ကြောင်း မြို့နယ်ပညာရေးမှူးရုံးမှ သိရသည်။ #elevennews #မိုးညိုမြို့နယ် #ဧရာဝတီမြစ် #စာသင်ကျောင်း ■ Website Link- - - >> https://news-eleven.com/article/314383

■ သြဂုတ် ၁၈ ရက်ညပိုင်းသတင်းအစီအစဉ်(တိုက်ရိုက်ထုတ်လွှင့်မှု) ■ နိုင်ငံတော်သမ္မတ ဦးမင်းအောင်လှိုင် မော်စကိုမြို့ရှိ အညတရစစ်သည် ဂူဗိမာန်၌ လွမ်းသူပန်းခွေချ အလေးပြု ■ ပဲခူးတိုင်းဒေသကြီးလွှတ်တော် အထူးအစည်းအဝေးကို သုံးရက်ကြာကျင်းပပြီး ၂၀၂၆-၂၀၂၇ ဘဏ္ဍာရေးနှစ်အတွက် ဖြည့်စွက်ခွင့်ပြုငွေ စုစုပေါင်း ကျပ် ၂၈,၉၁၇ ဒသမ ၅၇၇ သန်း အတည်ပြု ■ ငလျင်ဘေး ပြန်လည်ထူထောင်ရေးအတွက် အခွန်စည်းကြပ်မှု ယာယီရပ်ဆိုင်းပေးရန် ကိုလံဘီယာသမ္မတက ထရန့်ကို တောင်းဆို ■ ထရန့်က ကုန်ကျစရိတ်များသည့် တောင်ကိုရီးယားနှင့် ပူးတွဲစစ်ရေးလေ့ကျင့်မှုများကို သိသိသာသာ လျှော့ခိုင်းထား ■ မော်ရိုကိုကွင်းလယ်လူ ဘူအက်ဒီကို မန်စီးတီး ခေါ်ယူဖို့ နီးစပ်နေ

■ အွန်လိုင်းလိမ်လည်မှုများကို တိုက်ဖျက်နေသည့် စင်္ကာပူက လူမှုကွန်ရက်များနှင့် မက်‌ဆေ့ဝန်ဆောင်မှု လုပ်ငန်းများအတွက် ပိုမိုတင်းကျပ်သော စည်းကမ်းများကို ထုတ်ပြန် ​စင်ကာပူကအွန်လိုင်းငွေကြေးလိမ်လည်မှုများ (Scams) ကို နှိမ်နင်းနေသောကြောင့် သြဂုတ် ၁၈ ရက်မှ စတင်ကာ မက်ဆေ့ဝန်ဆောင်မှု လုပ်ငန်းများက မည်သူမည်ဝါမှန်း မသိရသော အဆက်အသွယ်များ (Unknown contacts)ကို ကန့်သတ်ရန်၊ လူမှုကွန်ရက် ဝန်ဆောင်မှုများက ကြော်ငြာရှင်များကို အတည်ပြုပေးရန်လိုအပ်သည်ဟု ထုတ်ပြန်ခဲ့သည်။ နိုင်ငံခြားသားများကို အလုပ်အကိုင်ရမည်ဟု လှည့်ဖြားခေါ်ယူပြီး အချစ်ရေးနှင့် ခရစ်ပတိုရင်းနှီးမြှုပ်နှံမှုဆိုင်ရာ အွန်လိုင်းလိမ်လည်မှုများ ပြုလုပ်စေသည့် ကျားဖျန့်အွန်လိုင်းလိမ်လည်သည့်‌နေရာများ လွန်ခဲ့သောနှစ်များတွင် အရှေ့တောင်အာရှတစ်ခွင် တိုးပွားလာခဲ့သည်။ ​ဒေသတွင်း ဒုတိယအကြီးဆုံး စီးပွားရေးနိုင်ငံဖြစ်သည့် စင်ကာပူတွင် ၂၀၂၀ ပြည့်နှစ်မှ ၂၀၂၅ ခုနှစ် ပထမနှစ်ဝက်အထိ လိမ်လည်ခံရမှုကြောင့် အမေရိကန်ဒေါ်လာ ၂ ဒဿမ ၈ ဘီလီယံကျော် ဆုံးရှုံးခဲ့ရသည်ဟု ပြည်ထဲရေးဝန်ကြီး ဆင်း(မ်)အန်က ၂၀၂၅ ခုနှစ် နိုဝင်ဘာတွင် ပါလီမန်အစည်းအဝေး၌ ပြောကြားခဲ့သည်။ ​ယခုထုတ်ပြန်လိုက်သည့် အွန်လိုင်းပြစ်မှုဆိုင်ရာ အန္တရာယ်များ ဥပဒေ (Online Criminal Harms Act)အရ စည်းမျဉ်းသစ်များသည် နိုင်ငံတွင်းလိမ်လည်မှုဖြစ်ပွားရန် အန္တရာယ်အများဆုံးဟု သတ်မှတ်ထားသည့် ဝန်ဆောင်မှုများကို ပစ်မှတ်ထားသည်ဟု စင်ကာပူရဲတပ်ဖွဲ့က ဩဂုတ် ၁၈ ရက်တွင် ထုတ်ပြန်သည်။ ​"အွန်လိုင်းမက်ဆေ့ ပလတ်ဖောင်းတွေပေါ်မှာ ရင်းနှီးမြှုပ်နှံ‌ရေးလိမ်လည်မှုတွေဟာ အဓိက စိုးရိမ်စရာ ကိစ္စဖြစ်ပါတယ်" ဟု ရဲတပ်ဖွဲ့၏ ထုတ်ပြန်ချက်တွင် ဖော်ပြထားသည်။ #elevennews #စင်္ကာပူ ■ Website Link- - - >> https://news-eleven.com/article/314382