ЗБС | Задзіночанне Беларускіх Студэнтаў

🤪 TRANSFORMATION LAB 🫯 Як змяняецца краіна пасля аўтарытарызму, і хто прымае рашэнні аб яе будучыні? ❗️Гэта не курс па агульным грамадзянскім актывізме і не школа абстрактнага лідарства! (гартай карткі і даведвайся больш!) Transformation Lab — пра веды, інструменты і практычны досвед, якія дапамогуць лепш разумець працэсы постаўтарытарнай трансфармацыі і магчымыя сцэнары будучыні Беларусі! Праект складаецца з 3 частак, якія адбудуцца напрацягу верасня — лістапада 2026 г. 1️⃣ Study Visit, 22.09.26–27.09.26 2️⃣ Анлайн курс, кастрычнік 2026 3️⃣ LARP, 08.11.26–11.11.26 За гэты час удзельнікі_цы пакрокава пройдуць шлях ад тэорыі да практыкі, у якім пазнаёмяцца з людзьмі, якія самі прайшлі постаўтарытарныя трансфармацыі, вывучаць мажлівыя сцэнары падзеяў, а напрыканцы паспрабуюць на сабе, чым з'яўляецца палітычная трансфармацыя! (гартай карткі і даведвайся больш!) 🗣 Калі табе 18–35 год і ты цікавішся будучыняй Беларусі, ты гатовы_ая вучыцца, аналізаваць і прайсці праграму цалкам ➡️ то пераходзь па спасылцы і рэгіструйся! ❗️Дэдлайн падачы заявак 31 жніўня 2026г. 🔗 Усю інфармацыю пра праграму знойдзеце па спасылцы! Мы чакаем менавіта цябе! Далучайся 🤍 #civilsocietycooperation *Задзіночанне Беларускіх Студэнтаў прызнана экстрэмісцкім фармаваннем на тэрыторыі Беларусі!

✍️ Мы хочам падзяліцца дакладамі, якія падрыхтавала ЗБС для ААН ✨️ 1) Акадэмічная (не)свабода ў Беларусі Гэты рапарт апісвае крытычны стан акадэмічных свабод у Беларусі, дзе адукацыя стала інструментам дзяржаўнага кантролю, а студэнты і студэнткі пазбаўлены магчымасці ўплываць на адукацыйны працэс. Незалежныя студэнцкія арганізацыі падвяргаюцца пераследу і вымушаныя працаваць у выгнанні. Для выпраўлення сітуацыі праваабаронцы заклікаюць да дэпалітызацыі адукацыі, аднаўлення акадэмічных свабод і права на свабоду аб’яднанняў. 2) Гендарная дыскрымінацыя ў беларускай вышэйшай адукацыі У дакуменце аналізуюцца сістэмная гендарная дыскрымінацыя і бар’еры, з якімі сутыкаюцца жанчыны ў сістэме вышэйшай адукацыі і на рынку працы Беларусі. 3) Зона рызыкі: моладзевы актывізм у Беларусі Гэты рапарт апісвае як выглядае сістэмны ціск на студэнцкую супольнасць у Беларусі. Прадметам аналіза з’яўляюцца галоўныя метады і інструмэнты рэпрэсій, якія выкарыстоўвае рэжым у дачыненні да грамадскай супольнасці. ❗️Задзіночанне Беларускіх Студэнтаў прызнана экстрэмісцкім фармаваннем на тэрыторыі Беларусі!

BOARD MEETING ESU №91 Напрыканцы траўня на выспе Сан Мігель (Азорскія выспы Партугаліі) прайшло першае ў гэтым годзе паседжанне Еўрапейскага студэнцкага саюза! ЗБС прыняў у ім ўдзел, і мы хочам падзяліцца ўспамінамі! 💭 ⬇️ 1️⃣ Адным з прадстаўнікоў_іц нашай арганізацыі быў новы сакратар міжнародных сувязяў ЗБС. Для яго гэта быў першы BM, які стаў добрай магчымасцю асвоіцца ў сакратарскай пазіцыі. 2️⃣ Паседжанне праходзіла за прамовамі ўдзельнікаў і ўдзельніц, за шматлікімі галасаваннямі па ўнутраных устаўных дакументах і рэзалюцыях, а таксама з боку ЗБС была прасунута свая рэзалюцыя аб падтрымцы роўных правоў для беларусаў і беларусак на ўдзел у праграме Эрасмус +. 3️⃣ Таксама ўдзельнікі і ўдзельніцы завіталі ў мэрыю і прынялі ўдзел у сустрэчы з урадам выспаў. 4️⃣ Акрамя гэтага адбыўся выезд, падчас якога ўсе маглі проста захапіцца прыгажосцю прыроды ✨️ 🔜 А наступны Board Meeting ESU №92 ужо хутка! *Задзіночанне Беларускіх Студэнтаў прызнана экстрэмісцкім фармаваннем на тэрыторыі Беларусі.

ЗБС | Задзіночанне Беларускіх Студэнтаў pinned «❤️УСЕ НЕАБХОДНЫЯ СПАСЫЛКІ + што адбываецца ў ЗБС зараз ⬇️: 📱 Сайт: zbsunion.org Падтрымаць нас: сціплы ўнёсак у вялікі студэнцкі рух! Далучыцца да ЗБС 🤍: форма 🗣 Сацыяльныя сеткі: ▫️Instagram ▫️Threads ▫️Facebook ▫️LinkedIn ▫️TikTok Сувязь з намі:…»

ЗБС | Задзіночанне Беларускіх Студэнтаў pinned a photo

🤔 Праект завіс і патрабуе штуршка наперад? Пачулі! “РАДА” запускае індывідуальную ментарскую падтрымку! Ствараеш або плануеш запусціць праект для беларускай моладзі? Па сабе ведаем, які гэта цяжкі шлях, таму прапануем магчымасць, якая дапаможа табе рухацца далей. Ментарства – гэта бяспечная прастора, дзе ты можаш сесці побач з дасведчаным чалавекам, паглядзець на свой праект збоку і разам знайсці адказы на пытанні. Некалькі прыкладаў, з чым можна прыходзіць: *️⃣ Распрацоўка ідэі: ёсць задумка, але ты ў ступары і не разумееш, што рабіць, з чаго пачаць і куды крочыць далей. *️⃣ Складанасць на пэўным этапе: праект ужо рухаецца, але штосьці правісае – напрыклад, ніяк не атрымліваецца знайсці фінансаванне ці сабраць каманду. *️⃣ Запыт на экспертызу: хочацца пракачацца ў пэўнай тэме, каб зрабіць праект мацнейшым і больш прафесійным. Або штосьці па-за гэтым спісам :) падчас стварэння новых праектаў пытанняў узнікае безліч, таму прыходзь з усім, што цябе хвалюе. Ментарская падтрымка працуе для праектаў з фокусам на беларускую моладзь і маладых (18-27) актывістаў і актывістак. Колькасць сустрэч не абмежаваная і залежыць ад запыту, бо часам менавіта працяглая праца дапамагае як след выбудаваць праект. 🔗 Рэгіструйся тут! Разгляд заяўкі можа заняць да 10 працоўных дзён – улічы гэта пры планаванні. *УВАГА: РАДА прызнаная экстрэмісцкім фармаваннем, будзьце асцярожнымі!